780. Necə oldusa bu gün buralara yolum düşəsi oldu, sözlük. Hazır türkün məsəli kafam da güzelmişken o zaman bura da yazım getsin. Xoşbəxtəm, amma səbəbi yaxşı nələrsə baş verməsi deyil. Səbəbi artıq yaxşı və ya pis hər hansı məsələnin mənə təsir edə bilmədiyi qəribə bir ruh halına keçməyimdir. Həyata ciddi, planlı-proqramlı yanaşmış biri üçün bu səviyyəyə keçmək cənnət kimi hiss etdirir. Bura yazmadığım dönəm ərzində özümü bildim biləli yerinə yetirmək istədiyim, 1 dəfə yoxlayıb uğursuz olduğum üçün xəyal edərkən belə qorxduğum hədəfimi reallaşdırmaq üçün təkrar yola çıxdım, 2 ölkəyə səyahət etdim, yeni dil öyrənməyə başladım və ən əsası sevmədiyim işimdən istefa verərək bu lənət sahəni tərk etmək qərarı aldım. Nisbətən gec də olsa anladım ki, tamamən yanlış, yaşamaq istədiyim həyatın əksi istiqamətində irəliləyirəm. Eyni addımlar ataraq fərqli nəticə əldə etməyim, qorxaraq həyatı yaşamağım mümkün olmayacaq. 2 boşa keçirilmiş ildən sonra təkrar özümü canlı hiss edirəm. Nəticəsi nə olursa olsun istədiyim yoldan gedəcəm (hərçənd o yol hazırda qaranlıq və məndən çox şey aparacaqmış kimi görünür). Əks halda "yaşamaq" məhfumu mənim üçün sadəcə nəfəs almaqdan ibarət olacaqsa, bunu istəmirəm. Daha yaxşı şeylər yazmaq ümidi ilə indilik vidalaşıram